پاکستان بیس بال ٹیم کو عرب کلاسک  میں شرکت کا این او سی مل گیا

لاہور(سپورٹس رپورٹر)پاکستان بیس بال ٹیم کو عرب کلاسک میں شرکت کا این او سی مل گیا۔  بیس بال یونائیٹڈ عرب کلاس 7 سے 10 نومبر تک دبئی میں کھیلا جائیگا۔پاکستان بیس بال ٹیم گروپ اے میں افغانستان، بنگلہ دیش، بھارت اور میزبان متحدہ عرب امارات کیساتھ ہے۔ پاکستان کا  7 نومبر کو  صبح بنگلہ دیش جبکہ شام کو یو اے ای سے جوڑ پڑیگا۔ 8 نومبر کو پاکستان اور بھارت  جبکہ قومی ٹیم  9 نومبر کو افغانستان کے مد مقابل ہوگی۔  پاکستان کے 14 کھلاڑی اور چار آفیشلز شرکت کریں گے جبکہ بیس بال فیڈریشن مزید کھلاڑیوں کو یو اے ای لانے کیلئے پرامید ہے۔ایونٹ منتظمین نے ڈگ آؤٹ پر نمائندوں کی تعداد 18 سے بڑھا کر 25 کردی ہے۔