جنوبی افریقہ کیخلاف سیریز کیلئے فخرزمان ‘ امام الحق کی واپسی کا امکان 

  لاہور(سپورٹس رپورٹر )جنوبی افریقہ کیخلاف سیریز میں قومی ٹیم میں سٹار اوپنرز فخر زمان اور امام الحق کی واپسی کے امکانات روشن ہوگئے۔نومبر میں آسٹریلیا اور زمبابوے کیخلاف وائٹ بال سیریز کے بعد قومی ٹیم جنوبی افریقہ کیخلاف ٹیسٹ، ون ڈے اور ٹی20 سیریز کیلئے تیاریاں شروع کریگی۔پاکستانی ٹیم کو جنوبی افریقہ کیخلاف 3ٹیسٹ، 3 ون ڈے اور 2 ٹی20انٹرنیشنل میچز کی سیریز کیلئے روانہ ہونا ہے، سیریز کے تینوں ٹیسٹ میچز آئی سی سی ورلڈ ٹیسٹ چیمپئن شپ کا حصہ ہوں گے۔پاکستان آئندہ سیریز کیلئے وائٹ بال سکواڈ میں دو قابل ذکر تبدیلیوں پر غور کررہا ہے، جس میں امام الحق اور فخر زمان کی واپسی کا امکان ہے۔امام الحق کا ٹریک ریکارڈ مضبوط ہے۔