پریس کلب نوشہرہ ورکاں کے وفد کی اسسٹنٹ کمشنر جواد حسین سے ملاقات

نوشہرہ ورکاں (نامہ نگار) پریس کلب نوشہرہ ورکاں کے صدر میاں عمران بشیر کی سربراہی میں سینئر ممبران پر مشتمل وفد نے اسسٹنٹ کمشنر جواد حسین سے تعارفی ملاقات کی۔ وفد میں چیئرمین پریس کلب شیخ منیر احمد آزاد، وائس چیئرمین چوہدری راشد خاور، سینئر نائب صدر بشارت مصطفائی، سابق جنرل سیکرٹری خالد نزیر مصطفائی، سینئر صحافی عرفان علی مہر، اکبر مدنی اور چودھری طارق شامل تھے۔ ملاقات میں وفد نے شہر کے مختلف مسائل، جیسے ٹریفک کا بڑھتا ہوا دباؤ، ادویات کی فراہمی ،صفائی کی صورتحال، اور عوامی سہولیات کی کمی پر گفتگو کی۔