بچیکی میں سیوریج سسٹم ناکارہ   گلیاں‘ بازار میں گندا پانی جمع 

بڑاگھر ( نامہ نگار) قصبہ بچیکی میں عرصہ دراز سے سیوریج کا انتظام نہ ہونے سے گلیوں میں پانی جمع ہے، سیوریج کا پانی گھروں اور دکانوں میں داخل ہونے سے علاقہ مکین سراپا احتجاج ہیں، علاقہ مکینوں اور دکاندار وں کا کہنا ہے چار سال سے زائد عرصہ سے ہمارا سیوریج کا مسئلہ چلا آرہا ہے، مقامی نمائندے الیکشن سے قبل ووٹ کے لالچ میں جھوٹے وعدے کر کے غائب ہو جاتے ہیں لیکن ہمارا بنیادی مسئلہ حل نہیں کراتے۔ اہل علاقہ نے عوامی نمائندگان اور اعلیٰ حکام سے نوٹس لینے کا مطالبہ کیا ہے۔