باغبانپورہ :دو موٹرسائیکلوں میں تصادم‘ ٹرالی نے ٹریفک اہلکار کوکچل ڈالا 

لاہور(نامہ نگار)باغبانپورہ میں سینئر ٹریفک وارڈن انسپکٹر اویس خان ٹریفک حادثے میں جاں بحق ہو گیا۔ سٹی ٹریفک پولیس کا سینئر وارڈن انسپکٹر اویس خان گزشتہ صبح موٹر سائیکل پر گڑھی شاہو ڈیوٹی پر جا رہا تھا کہ آخری منٹ سٹاپ پر اویس خان کی موٹرسائیکل تیز رفتاری کے باعث دوسری موٹرسائیکل سے ٹکرا گئی۔دوموٹرسائیکلیں آپس میں ٹکرانے کے باعث اویس خان موٹر سائیکل سے نیچے سڑک پرگر گیا اور پیچھے سے آنے والے ٹرالی اویس خان کے اوپر سے گزر گئی۔جس کے نتیجے میں سینئر وارڈن اویس خان موقع پر ہی جاں بحق ہو گیا ہے جبکہ ٹریکٹر ٹرالی ڈرائیورفرار ہو گیا ۔انسپکٹر جنرل پولیس پنجاب ڈاکٹرعثمان انور نے ٹریفک حادثے میں لاہور ٹریفک پولیس کے انسپکٹر اویس خان کے جاں بحق ہونے پر گہرے دکھ اور افسوس کا اظہار کیا ۔