لاہور،  فاسٹ ٹریک کیٹیگری کے پاسپورٹس کا بیگ لاک صفر ہوگیا، محکمہ پاسپورٹ  

لاہور (آئی  این پی )محکمہ پاسپورٹ نے   کہا ہے  کہ فاسٹ ٹریک کیٹیگری میں اپلائی کیے گئے پاسپورٹس کا بیگ لاک صفر ہوگیا ہے جبکہ زیر التوا پاسپورٹس بھی شہریوں کو تیزی سے فراہم کیے جا رہے ہیں۔محکمہ پاسپورٹ حکام نے بتایا کہ اب تک 30 ہزار سے زائد فاسٹ ٹریک پاسپورٹس جاری کر دئیے گئے ہیں، ارجنٹ کیٹیگری کے تحت اپلائی کیے گئے 70 ہزار پاسپورٹس کا بھی اجرا کر دیا گیا ہے۔انہوں نے کہا کہ ارجنٹ کیٹیگری کے تحت اپلائی پاسپورٹس کا بیگ لاک پرسوں تک صفر ہوجائے گا، اس کے علاوہ فارن مشنز کے ذریعے اپلائی کیے گئے 17 ہزار 500 پاسپورٹس بھی کلیئر ہیں، آن لائن اپلائی کیے گئے 17 ہزار پاسپورٹس کا بھی اجرا کر دیا گیا ہے۔ڈی جی پاسپورٹ مصطفی جمال قاضی کا کہنا تھا کہ پاسپورٹس کے اجرا کا عمل تیزی سے جاری ہے، شہریوں کی سہولت کیلئے اضافی شفٹوں میں کام کیا جا رہا ہے۔