وزیراعظم شہباز شریف نے گلگت بلتستان کا دورہ کیا ہے۔وزیراعظم شہباز شریف نے گلگت بلتستان کا دورہ کیا.وزیراعظم شہباز شریف نے غذر میں سیلاب متاثرین کے لیے بوبر ماڈل ویلج کا افتتاح کر دیا۔وزیراعظم محمد شہباز شریف ایک روزہ دورے پر گلگت بلتستان پہنچے، شہبازشریف نےغذر میں سیلاب متاثرین کے لیے بوبر ماڈل ولیج کا افتتاح کیا۔گلگت بلتستان کے ضلع غذر کے ببر گاؤں میں 2022 کے سیلاب متاثرین کے لیے تعمیر شدہ گھروں کے افتتاح کی تقریب منعقد ہوئی، اس موقع پر وزیراعظم نے 2022 کے سیلاب متاثرین میں گھروں کے ملکیتی کاغذات تقسیم کیے۔وزیراعظم کی ہدایت پر 62 گھروں کی تعمیر مکمل ہوئی، 110 کنال اراضی پر یہ ماڈل ویلج بنایا گیا ہے، صاف پانی اور سولر سے آراستہ ایک سٹور، ایک کچن، 2 باتھ روم اور 2 کمروں پر مشتمل خوبصورت گھر بنائے گئے ہیں۔گلگت بلتستان کے دورے کے دوران وزیراعظم کو تعمیر شدہ گھروں میں سہولیات کی فراہمی پر بریفنگ بھی دی گئی۔دوران بریفنگ وزیراعظم کو بتایا گیا کہ 216 کلومیٹر طویل گلگت شندور شاہراہ بھی تعمیر کی جا رہی ہے، گلگت سے گاگوچ، گاگوچ سے تندئی اور تندئی سے شندور تک روڈ شامل ہے، منصوبے پر تعمیراتی کام نومبر 2025 تک مکمل ہوجائے گا۔وزیراعظم شہباز شریف نے ماڈل ویلج کی تھرڈ پارٹی توثیق کے بغیر ادائیگی نہ کرنے کی ہدایت کر دی۔
بعدازاں غذر کے بوبر گاؤں میں 2022 کے سیلاب متاثرین کیلئے تعمیر شدہ گھروں کے افتتاح کی تقریب میں شرکت کی اور خطاب کرتے ہوئے کہا کہ اگست 2022 میں یہاں آیا تو ہر طرف تباہی کا منظر تھا۔انہوں نے کہا کہ موسمیاتی تبدیلیوں کے نتیجے میں سیلاب سے پورا گاؤں متاثر ہوا تھا، وہ دن تاریخ کا افسوسناک دن تھا، سب غمگین تھے. آج نئی بستی کی تعمیر سے یہاں پر خوشی کا سماں ہے۔شہباز شریف نے کہا کہ گھروں کی تعمیر کے لیے سب ادارے، انتظامیہ داد کے مستحق ہیں. معیاری گھروں کی تعمیر لائق تحسین ہے.متاثرین میں گھروں کے ملکیتی کاغذات تقسیم کر کے خوشی ہوئی ہے. قندیل کے لیے 50 لاکھ کا انڈومنٹ فنڈ 67 لاکھ پر پہنچ گیا ہے۔وزیراعظم نے کہا کہ ماڈل ولیج میں اسکول، معیاری ڈسپنسری کی تعمیر شروع کی جائے.ڈسپنسری میں سہولیات ہنگامی بنیادوں پر فراہم کی جائیں۔
