ماضی کی معروف فلمی اداکارہ ریما نے امریکا میں جاری انتخابات میں اپنا حق رائے دہی استعمال کرتے ہوئے ووٹ کاسٹ کر دیا۔ فوٹو اینڈ ویڈیو شیئرنگ پلیٹ فارم انسٹاگرام پر اداکارہ نے ووٹ ڈالنے کے بعد اپنے شوہر کے ہمراہ تصویر شیئر کی ہے۔ریما نے اپنی پوسٹ کے کیپشن میں بتایا کہ انہوں نے اپنے شوہر کے ساتھ امریکی صدارتی انتخابات میں اپنا ووٹ ڈال دیا ہے۔ تاہم اداکارہ نے یہ نہیں بتایا کہ انہوں نے کسے ووٹ کاسٹ کیا ہے۔اس کے ساتھ ہی انہوں نے یو ایس الیکشن، ووٹ 2024ء کے ہیش ٹیگ کا بھی اضافہ کیا ہے۔
ماضی کی اداکارہ نے اس حوالے سے مختلف انسٹا اسٹوریز بھی شیئر کی ہیں جن میں انہیں ووٹ کاسٹ کرتے ہوئے دیکھا جا سکتا ہے۔
خیال رہے کہ امریکا میں گزشتہ روز (5 نومبر کو) 47 ویں صدراتی انتخابات کا انعقاد ہوا، جس کے سلسلے میں اب پولنگ ختم ہو چکی ہے.کسی بھی امیدوار کو جیت کے لیے کل 538 میں سے کم از کم 270 الیکٹورل ووٹ درکار ہوں گے۔