سرجانی ٹاؤن کے علاقے تیسرٹاؤن میں نامعلوم افراد کی فائرنگ سے تیس سالہ نوجوان ہلاک ہوگیا تاہم اس کی شناخت نہیں ہوسکی۔ اس کی لاش عباسی شہید ہسپتال منتقل کردی گئی ہے۔ گلشن اقبال میں نامعلوم افراد نے ایک دکان پر فائرنگ کردی جس کے نتیجے میں تین افراد زخمی ہوگئے، جنہیں قریبی ہسپتال منتقل کیا گیا تاہم زخموں کی تاب نہ لاتے ہوئے ان میں سے ایک شخص دم توڑ گیا۔ ادھر بلدیہ ٹاؤن کے علاقے میں نیول کالونی کے قریب جھاڑیوں میں سے ایک شخص کی لاش برآمد ہوئی ہے جسے بھی فائرنگ سے ہلاک کیا گیا ۔ پولیس کے مطابق واقعے کی مزید تفتیش جاری ہے۔