”کبھی ہم بھی تم بھی تھے آشنا تمہیں یاد ہو کہ نہ یاد ہو“زرداری نے شعر سنا کر چودھری برادران کا استقبال کیا

لاہور (این این آئی) پیپلزپارٹی کے شریک چیئرمین آصف علی زرداری نے ق لیگ کی قیادت کے بلاول ہاﺅس پہنچنے پر شعر پڑھ کر استقبال کیا۔ زرداری نے شعر کا مصرعہ پڑھا کہ ”کبھی ہم بھی تم بھی تھے آشنا، تمہیں یاد ہو کہ نہ یاد ہو“ جس پر شجاعت نے مسکراتے ہوئے جواب دیا کہ ہم اب بھی ایک دوسرے کے آشنا ہیں اور مستقبل میں بھی رہیں گے۔