آج ملتان میں سٹیج ڈرامے میں پرفارمنس سے بڑی بڑی اداکاروں کے چھکے چھڑا دونگی : میرا

لاہور( این این آئی)اداکارہ میرا نے کہا ہے کہ آج عید الاضحی کے دن ڈان تھیٹر ملتان میں شروع ہونےوالے سٹیج ڈرامے سے بڑی بڑی اداکاروں کے چھکے چھڑا دوں گی ۔ انہوں نے بتایا کہ ملتان میں شروع ہونے والے سٹیج ڈرامے کا نام ”بڑا مزہ آئے گا“ میرے لئے چیلنج ہے۔ اس ڈرامے میں میری پرفارمنس دیکھنے کے بعد ڈرامہ بینوں کو حقیقتاً بڑا مزا آئے گا۔ میرا نے کہا کہ ملتان میں ایسی زبردست پرفارمنس کا مظاہروں کروں گی کہ تمام بڑی بڑی اداکاروں کو مات دے کر ان کے چھکے چھڑا دوں گی۔ ڈرامہ میں لاہور سے شفقت چیمہ اور اداکارہ مدھو بھی شامل ہیں۔ ڈرامے کے رائٹر و ڈائریکٹر زوار بلوچ ہیں۔ یاد رہے کہ میرا نے مذکورہ سٹیج ڈرامے کے ئے 17لاکھ روپے معاوضہ وصول کیا۔