چیئرمین سلیکشن کمیٹی ہارون الرشید کی سفارش پر شہریار خان کی جانب سے ٹیسٹ سکواڈ میں شمولیت کی منظوری دی گئی۔آل راؤنڈر کو زمبابوے کیخلاف باولنگ اور بیٹنگ میں شاندار کارکردگی پر ٹیم کا حصہ بنایا گیا ۔ ہارون الرشید کا کہنا تھا کہ منیجر انتخاب عالم نے شعیب ملک کی کارکردگی کا جائزہ لینے کے بعد سلیکشن ٹیم کو درخواست کی تھی ۔ہارون الرشید کا مزید کہنا تھا کہ شعیب ملک کی بیٹنگ اور باولنگ انگلینڈ کے خلاف ٹیسٹ سیریز میں سود مند ثابت ہوگی.