لاہور(نمائندہ سپورٹس +سپورٹس رپورٹر)بابر اعظم کی ویسٹ انڈیز کے خلاف سنچریوں کی ہیٹ ٹرک مکمل ، 3 میچوں کی سیریز میں زیادہ رنز کا ورلڈ ریکارڈ قائم کردیا۔ ایک ہی سیریز میں سعید انور اور ظہیر عباس بھی تین سنچریاں بنا چکے ہیں لیکن بابر اعظم نے تین میچوں کی سیریز میں تین سنچریاں بنائیں۔ بابر اعظم تین میچز کی سیریز میں سب سے زیادہ سکور بنانیوالے دنیا کے پہلے کھلاڑی بن گئے ۔جنوبی افریقہ کے ڈی کاک نے بھارت کیخلاف تین میچز کی سیریز میں 342 رنز بنائے تھے جبکہ بابر اعظم نے ریکارڈ 360 رنز بنا کر توڑ دیا ہے۔