پیپلزپارٹی کی شعبہ خواتین کی صوبائی، ڈویژنل وضلعی عہدیداروں کے ناموں کا اعلان

لاہور ( خبر نگار+لیڈی رپورٹر) پیپلزپارٹی شعبہ خواتین پنجاب کی صدر ثمینہ گھرکی نے صوبائی، ڈویژنل وضلعی عہدیداران کااعلان کردیا۔ نوٹیفکیشن کے مطابق سابق رکن پنجاب اسمبلی صغیرہ اسلام نائب صدر پنجاب، شبانہ اظہرڈپٹی انفارمیشن سیکرٹری، نجمی سلیم صدرمینارٹی ونگ خواتین پنجاب، شبنم چوہدری صدرلاہورڈویژن ،شمشاد انور صدرساہیوال ڈویژن جبکہ نرگس خان، میمونہ مشتاق، شانزہ رائے، رباب بیگم، فوزیہ ممتاز، سمیرانعیم، شمیم اعجاز، رخسانہ کوثر، وزیرالنسائ، خالدہ پروین کوضلعی صدور نامزدکیاگیاہے۔کوثرسلطانہ، شہنازدرانی، زاہدہ ولایت ، روبینہ بٹ اورسمیعہ ناز ضلعی جنرل سیکرٹریز ہونگی۔ بیگم شمیم نیازی، بیگم اخترحیات، شاہدہ جبین ودیگر ایگزیکٹو ممبرز ہیں۔ پاکستان پیپلز پارٹی کے چئیرمین بلاول بھٹو زرداری نے پارٹی کی سنئیر خاتون رہنما نرگس خان کو پیپلز پارٹی شعبہ خواتین لاہور کی صدر مقرر کرکے ان کا باقاعدہ نوٹفکیشن بھی جاری کردیا ہے ۔نرگس خان کو شعبہ خواتین لاہور کی صدر بننے پر پارٹی کی شعبہ خواتین پنجاب کی صدر ثمینہ خالد گھرکی اور پارٹی کی دیگر خواتین بیگم شمیم خان نیازی اور عہدیداروں نے انہیں مبارکباددی ہے۔