اسلام آباد (سٹاف رپورٹر) پاکستان ائیر فورس اکیڈمی اصغرخان میں گزشتہ روز نمبر 121ویں کمبیٹ سپورٹ کورس کی گریجویشن تقریب منعقدہوئی ۔ ائیر مارشل شاہد اختر علوی، ڈپٹی چیف آف دی ائیر سٹاف (ٹریننگ) اس تقریب کے مہمان خصوصی تھے۔ اس تقریب میںکل 41 ایوی ایشن کیڈٹس گریجویٹ ہوئے۔ مہمانِ خصوصی نے گریجویٹ ہونے والے کیڈٹس میں برانچ کا نشان اور نمبر121 کمبیٹ سپورٹ کورس میں بہترین کارکردگی کی ٹرافی ایوی ایشن کیڈٹ سارجنٹ محمد ارسلان کو عطا کی۔ تقریب میں پی اے ایف اکیڈمی کی" بریوہارٹ فارمیشنز"نے مسحور کن مظاہرہ پیش کیا ۔ اس تقریب میں اعلیٰ فوجی اور سول حکام ، غیر ملکی عہدیداران اور گریجو یٹ ہو نے والے ایوی ایشن کیڈٹس کے والدین اور مہمانوں نے شرکت کی۔