لاہور(نمائندہ خصوصی)صوبائی دارالحکومت کے مختلف علاقوں میں آتشزدگی کے واقعات میں لاکھوں روپے مالیت کا سامان جل کرراکھ ہوگیا۔تفصیلات کے مطابق جیل روڈ پر معروف ہسپتال کے باہر بجلی کی تاروں میں شارٹ سرکٹ کے باعث آگ بھڑک اٹھی تاہم واقعہ میں کسی قسم کا جانی نقصان نہ ہوا ہے،شفیق آباد کے علاقہ میں فیکٹری میں آتشزدگی سے قیمتی سامان جل گیا،ٹھوکر نیاز بیگ کے قریب گھر میں آتشزدگی سے قیمتی سامان جل گیا،ریسکیو ٹیموں نے کارروائی کرتے ہوئے آتشزدگی کے تمام واقعات پر قابو پالیا۔