فیروزوالہ(نامہ نگار )ڈکیتی اور چوری کی وارداتوںکے دوران مزاحمت پر ڈاکووں نے فائرنگ کر کے دو افراد کو زخمی کر دیا۔لاہور روڈ کی آبادی دوساکو چوک کے قریب ڈاکووں نے وقاص احمد کو روک کر لوٹ لیا نقدی اور دیگر سامان چھین کر لے گئے ڈاکووں نے زمیندار ملک جہانگیر کی حویلی میں داخل ہو کر لاکھوں روپے مالیت کے مویشی چوری کر کے لے گئے ڈاکووںنے نعیم احمد کو روکر ڈیڑھ لاکھ رقم چھین لی ڈاکووں نے شہزاد انور کولوٹ لیا ڈھائی لاکھ رقم اور موبائل چھین کر لے گئے ۔ڈاکووں نے کالا خطائی روڈ پر کار سوار ایم عقیل احمد کو روک کر بہنوئی کو زخمی کر کے دو لاکھ چھبیس ہزار کی رقم اور لاکھوں روپے مالیت کے زیورات لوٹ لئے ۔ ڈاکووںنے شرقپور روڈ کی آبادی کوٹ محمود کے قریب کار پر فائرنگ کر کے کار سوار شہباز نامی کو زخمی کر دیا اور فرار ہو گئے ۔ چوروں نے ایک فیکٹری میں داخل ہو کر بیس لاکھ روپے مالیت کا سکریپ چوری کر کے لے گئے ۔ ڈٖاکووںنے ندیم اللہ خاں کو روک کر لوٹ لیا اس سے تین لاکھ رقم اور موٹر سائیکل چھین کر لے گئے ۔ نامعلوم چوروں نے مختلف علاقوں سے تین موٹر سائیکلیں چوری کر لیں۔