کاروں اور موٹرسائیکلوں میں تصادم‘ 2 بھائیوں سمیت 5 شہری جاں بحق 2 زخمی

حاصل پور‘ رحیم یارخان (نامہ نگار‘ کرائم رپورٹر) کاروں اور موٹرسائیکلوں میں تصادم سے 2 بھائیوں سمیت 5 شہری جاں بحق‘ 2 زخمی ۔ حاصل پور سے نامہ نگار کے مطابق غریب محلہ حاصل پور کے رہائشی محمد شعبان اور محمد رضوان اپنے موٹرسائیکل 9844 پر سوار ہو کر دوائی لینے کے لئے ڈاکٹر کے پاس جارہے تھے کہ حاصل پو ر کے قریب بہاولپور ہائی وے روڈ پر رحمان ٹائون کے قریب تیز رفتاری کے باعث دو کاریں آپس میں ٹکرا گئی اس دوران ایک کار موٹرسائیکل سوار دونوں بھائیوں کے اوپر چڑھ گئی جس کے نتیجہ میں دونوں بھائی محمدشعبان اور محمدرضوان شدید زخمی ہو گئے زخموں کی تاب نہ لاتے ہوئے موقع پر دم توڑ گئے دونوں بھائیوں کی لاشیں گھر پہنچنے پر گھر میں کہرام مچ گیاجبکہ ایک بھائی امریکہ سے تعلیم حاصل کر کے گھر آیا ہوا تھا جبکہ کاروں کے حادثہ میں لیاقت علی اور محمد خالد شدید زخمی ہو گئے جن کو طبی امداد کے لیئے سول ہسپتال حاصل پو رمیں داخل کردیا گیا جہاں ایک شدید زخمی لیاقت علی کی حالت نازک بتائی جاتی ہے جبکہ کار ڈرائیور موقع سے فرار پولیس نے مقدمہ درج کر کے تفتیش شروع کر دی ہے پوسٹ مارٹم کے بعد لاشیں ورثا ء کے حوالے کر دی گئیں۔رحیم یارخان سے کرائم رپورٹر کے مطابق گزشتہ روز اقبال آباد کے رہائشی 40سالہ مختار احمد جوکہ اپنی موٹرسائیکل پر جارہا تھا کہ اسی دوران سامنے سے آنے والے بے قابو ٹرک نے مختا راحمد کو کچل ڈالا جسے انتہائی نازک حالت میں طبی امداد کیلئے ہسپتال منتقل کردیا گیا ، اسی طرح خان پور کارہائشی30سالہ امیر بخش اور رحیم آباد کی رہائشی25سالہ نذیراں بی بی جوکہ موٹرسائیکلوں کے تصادم میں شدید زخمی ہوگئے تھے کو انتہائی نازک حالت میں طبی امداد کیلئے ہسپتال منتقل کیا گیا جہاںیہ تینوں متاثرہ افراد طبی امداد کے باوجود جانبر نہ ہوپائے اور دم توڑگئے ،ہسپتال انتظامیہ نے کا رروائی کے بعد نعشیں تدفین کیلئے ورثاء کے حوالے کردیں۔