پراویڈنس (اے پی پی)کیربیئن پریمیئر لیگ میں گیانا ایمزون واریئرز نے ٹرنباگو نائٹ رائیڈرز کو 7 وکٹوں سے شکست دے کر ٹورنامنٹ میں مسلسل دسویں کامیابی حاصل کر لی، نکولس پوران کو 54 رنز کی دھواں دار اننگز کھیلنے پر مرد میدان قرار دیا گیا۔ پراویڈنس سٹیڈیم، گیانا میں کھیلے گئے لیگ کے 30 ویں میچ میں ٹرنباگو نائٹ رائیڈرز نے پہلے بیٹنگ کرتے ہوئے مقررہ 20 اوورز میں 5 وکٹوں کے نقصان پر 143 رنز بنائے، کولن منرو 43، کیرن پولارڈ 36 اور لینڈل سمنز 30 رنز کے ساتھ نمایاں رہے۔ چندرپال ہیمراج نے تین وکٹیں حاصل کیں، جواب میں گیانا ایمزون واریئرز نے ہدف 18.4 اوورز میں 3 وکٹوں کے نقصان پر حاصل کر لیا۔