آئی جی سندھ انٹرڈسٹرکٹ ہاکی لیگ میں ڈسٹرکٹ کورنگی کی کامیابی

کراچی (اے پی پی) آئی جی سندھ انٹرڈسٹرکٹ ہاکی لیگ میں ڈسٹرکٹ کورنگی نے ڈسٹرکٹ ملیرکو1-4 گول سے شکست دیدی، ایس پی لانڈھی توصیف احمد مہمان خصوصی تھے۔ کراچی ہاکی ایسوسی ایشن کے زیراہتمام سندھ پولیس سپورٹس بورڈ کے تعاون سے منعقد ہونے والی آئی جی سندھ انٹرڈسٹرکٹ ہاکی لیگ کے دوسرے روز ڈسٹرکٹ کورنگی اور ڈسٹرکٹ ملیر کے مابین میچ کھیلا گیا جو کہ ڈسٹرکٹ کورنگی نے ایک کے مقابلہ میں 4 گول سے جیت لیا۔ کھیل کا آغاز تیز رفتاری سے ہوا، دونوں ٹیموں نے ایک دوسرے سے سبقت لے جانے کے لئے مخالف فریق کی گول پوسٹ پر کئی حملے کئے۔