اسلام آباد( آن لائن )  27 ویں قومی شوٹنگ چیمپئن شپ 2020 کا انعقاد آرمی مارکس مین یونٹ جہلم میں ہوا۔ قومی سطح کے اس سالانہ ایونٹ میں قومی سطح کی تمام ٹیمیں فاتح کا اعزاز حاصل کرنے کے لیے شرکت کرتی ہیں۔ دفاعی چیمپئن،پاک بحریہ نے 17طلائی، 17چاندی اور 11کانسی کے تمغے جیت کر قومی شوٹنگ چیمپئن شپ کا اعزاز مسلسل تیسری بار اپنے نام کیا جب کہ پاک آرمی کی ٹیم دوسرے نمبر پررہی اور پاک فضائیہ نے تیسری پوزیشن حاصل کی۔