ٹی 20:بلوچستان نے سنسنی خیز مقابلے میںسنٹرل پنجاب کو 3رنز سے ہرادیا

ملتان (سپورٹس رپورٹر)نیشنل ٹی 20 کرکٹ ٹورنامنٹ میں بلوچستان نے سنسنی خیز مقابلے کے بعد سنٹرل پنجاب کو 3رنز سے شکست دے دی،168کے جواب میں 165 بناسکی عبداللہ کی نصف سنچری رائیگاں گئی ،برق رفتار سے کھیل کا آغا ز کرنے والے کامران اکمل بڑی اننگز کھیلنے میں ناکام رہے ،ایک چھکے اور چار چوکوں کی مدد سے رنزبناکر عمر گل کی گیند پرایل بی ڈبلیو ہوگئے،یاسر شاہ نے عابد علی کی اننگز کاخاتمہ 19 کے انفرادی سکور پر کیا،رضوان حسین نے 22 رنزبنائے،انہیں یاسر شاہ نے بولڈ کیا،سعد نسیم پھرناکام ہوئے ایک رنز بنا کر یاسر کووکٹ دے بیٹھے، افتخار نیازی عمر گل کا شکاربنے،ایک اینڈ سنبھالنے والے عبداللہ شفیق 54 رنز پر ہمت ہار گئے عمر گل کا یارکر نے ان کو پویلین بھیج دیا ظفر گوہر نے 32 رنزبنائے عمر گل نے چار، یاسر شاہ نے چار آوٹ کئے اس سے قبل بلوچستان کی ٹیم مقررہ اوورز میں 168رنز بناسکی محتاط انداز میں اننگز کا آغاز کرنے والی بلوچستان کی ٹیم کی پہلی وکٹ 62 رنز پر گری جب اویس 36 رنزبناکرآوٹ ہوگئے جن میں چار چوکے اور ایک چھکاشامل تھاحارث سہیل 23 رنز پر گوہر ظفر کی گیند پر کیچ آوٹ ہوگئے ان کے بعد کوئی بھی بلے باز وکٹ پر نا ٹھہرسکا چھ بیٹسمین ڈبل فگر میں داخل نہ ہوسکے، امام الحق 80 رنز کے ساتھ ناٹ آؤٹ رہے ان کی اننگز میں 8چوکیاور ایک چھکاشامل تھا احسان عادل نے تین گوہر ظفر  نے دو  وکٹیں حاصل کیں۔