اداکار عمر شریف کی میت  آج   پاکستان پہنچے گی 

کراچی (نوائے وقت رپورٹ) معروف اداکارہ عمر شریف کی میت جرمنی سے پاکستان روانہ کر دی گئی۔ ایوی ایشن ذرائع کے مطابق ترکش ائر لائن کی پرواز ٹی کے1634 عمر شریف کا جسد خاکی لیکر میونخ سے کراچی کیلئے روانہ ہو گئی۔ پرواز میں عمر شریف کی اہلیہ اور پاکستان کے قونصل جنرل امجد علی بھی سوار ہیں۔ شیڈول فلائٹ مقامی وقت کے مطابق شام 6 بجکر 50 منٹ پر استنبول پہنچے گی۔ ترکش ائر لائن کی پرواز پی کے 708 استنبول سے رات 10 بجکر 30 منٹ پر کراچی کیلئے روانہ ہو گی۔ عمر شریف کی میت  آج صبح 6 بجکر 45 منٹ پر کراچی پہنچے گی۔