کراچی (وقائع نگار)نیو کراچی پولیس کا 9 ستمبر کا مقابلہ مشکوک ہونے کا معاملہ،کراچی پریس کلب کے باہر مظاہرین کا احتجاج آج دوسرے روزبھی جاری رہا،راجپوت میئو برادری کے افراد نے کراچی پریس کلب کے باہر احتجاج کر تے ہوئے بتایاکہ9 ستمبر کو نیو کراچی پولیس کے مبینہ مقابلہ میں ایک ملزم ہلاک جبکہ ایک گرفتار ہوا تھا ، مظاہرین نے مطالبہ کیاکہ شہباز کے مبینہ قتل پر ملوث پولیس اہلکاروں کے خلاف مقدمہ درج کیا جائے ،بھائی نے الزام لگاتے ہوئے کہاکہ ایس ایچ او نیو کراچی ندیم خان و دیگر پولیس اہلکار قتل میں ملوث ہیں ، شہباز کبڈی کا  کھلاڑی پاکستان کبڈی ٹیم کے کپتان کا شاگرد تھا ،شہباز کے قتل میں ملوث اہلکاروں کو گرفتار نہ کیا گیا تو پورے پاکستان میں احتجاج کریں گے۔