فیروز والہ: اراضی تنازعہ‘ زمیندارکو فائرنگ کرکے قتل کر دیا 

فیروزوالہ( نامہ نگار) دریائے راوی کے کنارے واقع گاؤں سنت پورہ( مرل پار) میںاراضی کے تنازعہ پر وقاص نے ساتھیوں کی مدد سے فائرنگ کرکے زمیندار کو ہلاک کردیا ۔ملزمان فرار ہو گئے۔ زمیندار انور علی اپنے ساتھیوں کے ہمراہ راوی کے کنارے کھیت میں مویشیوں  کو چرا رہے تھے ‘وقاص احمد اور شہباز اپنے ساتھی کے ہمراہ اندھا دھند فائرنگ کر کے زمیندار انور علی کو قتل کردیا اورفرار ہوگئے ۔ مقتول پارٹی اور ملزموںکے درمیان اراضی کے تنازعہ کشیدگی چل رہی تھی۔ مقتولین کے ورثا نے الزام عائد کیا ہے کہ مقتول پارٹی کے تین افراد پہلے بھی قتل ہو چکے ہیں ۔فیروز والاپولیس نے مقتول کی نعش کو قبضے میں لے کر پوسٹمارٹم کیلئے ہسپتال بھجوا دی تاہم ملزمان گرفتار نہ ہوسکے۔ مقتول  اور ملزمان ایک ہی گاؤں کے رہنے والے اور قریبی رشتہ دار ہیں۔ فیروزوالہ پولیس نے غلام علی کی رپورٹ پر ملزمان وقاص، شہباز اور  صفدر کیخلاف قتل کے الزام میں مقدمہ درج کرلیا۔ ملزمان چند روز قبل مقتول کے بھائی قربان علی کو زخمی کیا جو زیر علاج ہے۔