زرداری کا معائنہ، ڈاکٹروں کی ٹیم دبئی واپس، تجزیہ کے بعد حتمی رائے دے گی 

کراچی( نیوز رپورٹر) سابق صدر اور پیپلز پارٹی کے شریک چیئرمین آصف  زرداری کا طبی معائنہ کرنے والی ٹیم واپس دبئی پہنچ گئی ہے۔ ڈاکٹروں نے سابق صدر کے کئی  ٹیسٹ کرائے۔ ذرائع نے بتایاکہ ڈاکٹرز سابق صدر کے تمام ٹیسٹ رپورٹس  علاج سے متعلق تمام ریکارڈ بھی لے گئی ہے، وہ ان ٹیسٹوں کا تجزیہ کرنے کے بعد حتمی رائے قائم کرے گی۔ تاہم  آنے والی ڈاکٹرز کی3 رکنی ٹیم نے تسلی بخش قرار دے دیا۔ دبئی سے آنے والے ڈاکٹرز کو پاکستانی معالجین نے بھی آصف زرداری کے علاج اور تمام ٹیسٹس سے متعلق بریف کیا جس کے بعد ڈاکٹرز نے کہاکہ آصف زرداری کا علاج درست سمت میں کیا جا رہا ہے اور ان کی تمام رپورٹس تسلی بخش ہیں۔