لاہور(خبرنگار)ڈی سی لاہور محمد علی نے اساتذہ کے عالمی دن کے موقع پر پیغام دیا۔ ڈی سی لاہور محمد علی نے کہا کہ میں اپنے تمام اساتذہ کو سلام پیش کرتا ہوں جن کی محنت اور شفقت کی بدولت اللہ تعالیٰ نے مجھے مقام اور عزت دی۔ انہوں نے کہا کہ اساتذہ ہمارے ذہنوں کو نئی جلا بخشتے ہیں اور اساتذہ ایک معاشرے کو تشکیل دیتے ہیں اور ایک بہتر انسان بننے میں مدد دیتے ہیں۔ ڈی سی لاہور محمد علی نے کہا کہ طالب علموں کی سوچ اور فکر کو تبدیل کرنے میں اساتذہ کا کردار ایک کلیدی اہمیت کا حامل ہے۔