مریم نواز ،عمران خان کی مقبولیت  سے خوفزدہ ہیں: فرخ جاوید

لاہور(نیوزرپورٹر)تحریک انصاف کے سینئر رہنما فرخ جاوید مون نے کہا کہ مریم صفدر دن رات عمران خان کیخلاف جھوٹا پروپیگنڈا کرتی رہتی ہیں ۔ان کے اعصاب پر عمران خان سوار ہیں وہ عمران خان کی بڑھتی مقبولیت سے خوفزدہ اور فرسڑیشن کا شکار ہیں۔تقریب سے خطاب کرتے ہوئے فرخ جاوید مون نے کہا کہ نانی مریم صفدر عمران خان پر تنقید کرکے اپنا قد اونچا کرنے کی ناکام کوشش کرتی ہے پوری دنیا کو پتا ہے پاکستان کو شریف خاندان تیس سال سے لوٹ رہا ہے اور وہ بھگوڑے مفرور اعلیٰ اور این آر او کی ڈگریاں لینے والے نوازشریف کی  بیٹی ہیں۔انہوں نے کہا کہ شریف خاندان کی سیاست کا جنازہ نکل چکا ہے مریم نواز جتنی مرضی جھوٹی پریس کرلیں عوام کے دلوں کی دھڑکن صرف عمران خان ہیں۔