کراچی (نیوز رپورٹر)سینئر سیاستدان اوردانشور نصرت مرزا نے کتابوں کا ایک بڑا ذخیرہ کراچی پریس کلب کو عطیہ کرنے کا اعلان کیا ہے ۔بدھ کو نصرت مرزا نے کراچی پریس کلب کا دورہ کیا اور کلب کے عہدیداروں صدر فاضل جمیلی ،سیکرٹری محمد رضوان بھٹی ،نائب صدر عبدالرشید میمن ،گورننگ باڈی کے ارکان خلیل ناصر،فاروق سمیع،لیاقت مغل  اورنبیل اختر سے ملاقات کی ،اس موقع پرسابق صدر امتیازخان فاران، سابق سیکرٹری مقصود یوسفی،کے یوجے دستورکے صدرسید راشدعزیز،نصراللہ چوہدری، حنیف اکبر،رفیق بشیر،حماد حسین اوراشرف بھٹی سمیت صحافیوں کی ایک بڑی تعدادموجودتھی۔اس موقع پر انہوںنے صحافیوں کے لیے خدمات اور ان کے حقوق کے حصول کے لیے کی جانے والی جدوجہد پر کراچی پریس کلب کو خراج تحسین پیش کیا ۔