گوجرانوالہ: اینٹی کرپشن کی ٹیم کا چھاپہ، رشوت خور سب انسپکٹرکو پکڑلیا

گوجرانوالہ(نمائندہ خصوصی )  اینٹی کرپشن کی ٹیم نے جوڈیشل مجسٹریٹ کے ہمراہ چھاپہ مار کارروائی کے دوران چوکی انچارج چیمہ چک سب انسپکٹر لیاقت علی کو 20ہزار روپے رشوت لیتے ہوئے رنگے ہاتھوں گرفتار کر لیا یہ کارروائی ریجنل ڈائریکٹر ظہیر انور جپہ کی زیر نگرانی عمل میں لائی گئی ، تھانہ سوہدرہ وزیر آباد کے چوکی انچارج سب انسپکٹر لیاقت نے شہری سے اندراج مقدمہ کے لئے 20 ہزار روپے رشوت وصول کی تھی ، جس سے نشان زدہ نوٹ برآمد کرکے مقدمہ درج کر لیا گیا  ،ڈائریکٹر اینٹی کرپشن گوجرانوالہ ڈویژن ظہیر انور جپہ کا کہنا ہے کہ ڈائریکٹر جنرل پنجاب ندیم سرور کی ہدایت کے مطابق رشوت کا قلعہ قمع کرنے کے لئے کاروائیوں کا سلسلہ جاری ہے اس مشن میں عوام کا ساتھ بھی انتہائی ضروری ہے لہذا اگر رشوت خور سرکاری ملازمین کے متعلق آگاہ کیا جائے تو سرکاری دفاتر میں عام آدمی کو بھی ریلیف مل سکتا ہے۔