لاہور(سپورٹس رپورٹر)پاکستانی باکسر شہیر آفریدی نے جنوبی افریقہ کے پیٹرک آلوٹے کو پروفیشنل فائٹ میں پانچویں رائونڈ میں ناک آئوٹ کردیا۔شہیر آفریدی اور جنوبی افریقہ کے پیٹرک آلوٹے کے درمیان یہ فائٹ بنکاک میں ہوئی جو پانچویں رائونڈ سے آگے نہ جاسکی۔قومی باکسر نے حریف کو پانچویں رائونڈ میں ہی ناک آئوٹ کردیا۔ فتح کیساتھ شہیر آفریدی مڈل ویٹ کیٹیگری میں ورلڈ باکسنگ کونسل، ورلڈ باکسنگ ایسوسی ایشن اور ایشین باکسنگ فیڈریشن ٹائٹلز کا دفاع کرنے میں بھی کامیاب رہے۔ شہیر آفریدی کی یہ 16ویں پروفیشنل فائٹ تھی۔