لاہور(سپورٹس رپورٹر)پاکستان کرکٹ ٹیم کے مڈل آرڈر بیٹر اور ٹیسٹ ٹیم کے نائب کپتان سعود شکیل نے کہاہے کہ انگلش ٹیم جارحانہ انداز میں کھیلتی ہے، اس میں غلطیاں بھی ہوتی ہیں اس لیے کوشش ہو گی کہ ان سے زیادہ غلطیاں کروا کر سیریز جیتیں۔ بابر اعظم کے کپتانی چھوڑنے کا تعلق وائٹ بال سے ہے اور ہم ریڈ بال کرکٹ کھیل رہے ہیں اس لیے کچھ نہیں کہہ سکتا، استعفیٰ دینا ہر کسی کا اپنا فیصلہ ہے۔ ٹیم کا مورال اچھا ہے اور کوئی گروپنگ نہیں ہے، سب کا فوکس اچھا کھیلنا ہے،  یقین ہے کہ اچھا کھیلیں گے،  ڈیلیور کرنے کا وقت ہے۔ شاہین آفریدکی فٹنس کے بارے میں کچھ نہیں کہہ سکتا، ضرورت کے مطابق کھیلنے کی کوشش کرتے ہیں۔