لاہور(سپورٹس رپورٹر ) پاکستان کے باکسر محمد وسیم نے ورلڈ بینٹم ویٹ رینکنگ فائٹ جیت لی۔قومی باکسر نے جارجیا کے جابا میمیشی کو تیسرے رائونڈ میں ناک آئوٹ کر دیا۔مالٹا میں ہونے والے مقابلے میںپاکستانی باکسر نے ڈبلیو بی ایف کی رینکنگ فائٹ میں جارجیئن باکسر کو ناک آئوٹ کیا۔ جارجیا کے باکسر جابا میمیشی سے عالمی رینکنگ فائٹ تقریبا 7 منٹ تک جاری رہی، محمد وسیم ناک آئوٹ کے ذریعے اپنی 9فائٹ جیت چکے ہیں۔مجموعی طور پر ان کے پاس 15 پروفیشنل فائٹس کا ریکارڈ ہے، قومی باکسر 13فائٹس میں کامیاب اور 2 میں ناکام رہے۔