موڑکھنڈا : دھان کی فصل سے  نوجوان کی تشدد زدہ نعش برآمد

موڑکھنڈا (نامہ نگار) دھان کی فصل سے 16 سالہ نوجوان کی تشدد زدہ نعش برآمد ہوئی۔ بتایا جاتا ہے کہ نواحی گاؤں موضع ڈھاری مشمولہ نائی والا کے رہائشی محنت کش محسن علی کا 16 سالہ بیٹا ثقلین عباس گزشتہ روز فون سے بات کرتا ہوا گھر سے باہر نکلا اور رات بھر واپس نا آیا جس پر اس کے والدین کو تشویش ہوئی اور انہوں نے اس کی تلاش شروع کر دی۔ تلاش کے دوران دھان کی فصل میں پڑی ان کے بیٹے کی نعش ملی۔ نعش پر تشدد کے واضح نشانات موجود تھے۔ پولیس تھانہ مانگٹانوالہ نے نعش قبضہ میں لے کر مقدمہ درج کر لیا۔