حافظ آباد:ڈپٹی کمشنر کا جنرل بس سٹینڈ ، مختلف ویگن سٹینڈ کا اچانک دورہ

حافظ آباد (نمائندہ نوائے وقت)ڈپٹی کمشنر عبد الرزاق نے جنرل بس سٹینڈ اور مختلف ویگن ا سٹینڈ کا اچانک دورہ کیا ۔جہاں انہوں نے کرایہ نامہ اور مسافروں سے وصول کیے جانے والے کرایوں کا جائزہ لیا۔ انتظامیہ کو ہدایت کی کہ مسافروں سے وصول کیے جانے والا کرایہ فوری طو ر پر واپس کیا جائے او راگر آئندہ انہوں نے زائد کرایہ وصول کیا تو انکے خلا ف سخت کاروائی عمل میں لائی جائیگی ۔ علاوہ ازیں رات 2بجے ٹراماسنٹر اور رورل ہیلتھ سنٹر کولوتارڑ کا اچانک دورہ کیا۔جہاں انہوں نے ڈاکٹر اور دیگر سٹاف کی حاضری ، شعبہ ایمر جنسی ، شعبہ سٹی سکین سمیت ٹراماسنٹر کے مختلف حصوں کا دورہ کر تے ہوئے وہاں مریضوں کو علاج معالجہ کی سہولیات کا جائزہ لیا ۔