قلعہ دیدار سنگھ(نمائندہ خصوصی)نو منتخب چیمبر آف کامرس گوجرانوالہ صدر کو مذہبی سیاسی وصحافی عہدیدداران کی مبارکباد، مٹھائی اور پھول پیش کئے۔ گزشتہ روز چیئرمین ڈسٹرکٹ پریس کلب عتیق یوسف ضیاء اور سابق صدر چیمبر آف کامرس میاں عمر سلیم کی قیادت میں وفد جس میں چیئرمین پریس کلب قلعہ دیدار سنگھ ،سیاسی و سماجی شخصیت چوہدری عمران انور وڑائچ ودیگر نے چیمبر آف کامرس کے نو منتخب صدر رانا محمد صدیق خاں کو صدر بننے پر مبارکباد پیش کی۔ رانا محمد صدیق خاں کو مٹھائی ،گلدستے پیش کئے۔اس موقع نو منتخب صدر نے کہا کہ ہم انشاء اللہ بزنس کمیونٹی سے کئے گئے وعدوں پر عملی طور پر پورا کریں گے۔ گوجرانولہ اور گردونواح کے علاقوں میں چیمبر آف کامرس کے پلیٹ فارم جو ممکن ہو سکے گا اس سے بھی زیادہ فلاحی کاموں میں بھرپور کردار ادا کریں گے، کاروبار کی ترقی کے لیے کوئی کسر نہیں چھوڑیں گے ۔ ہم صرف کاروباری مراکز فلاح و بہبود اور خوشحالی کے لیے ہر ممکن اقدامات کریں گے۔ کاروبارِی دوستوں سے زیادتی کسی بھی صورت برداشت نہیں کریں گے ظلم وزیادتی کے سامنے ڈٹ کر کھڑے رہیں گے۔ اپنے دوستوں ساتھیوں اور بزنس کمیونٹی کے لوگوں کے تحفظ کے لیے سیسہ پلائی دیوار بن جائیں گے چیمبر آف کامرس کے قائدین ایگزیکٹو ممبران سٹاف کی مشاورت سے خدمات میں مثال پیدا کر دیں گے، بزنس کمیونٹی کے دوستوں کے لیے ہمارے دروازے ہر وقت کھلے ہیں۔