وزیرآباد؍ فیروز والہ (نامہ نگار) تحریک انصاف کے پنڈی میں جلسے کے باعث چناب پل وزیرآباد کے دونو ں  کنٹینر رکھ کر آمد و رفت بند ہونے کی وجہ سے ایک دولہا جو  بارات لے کر گوجرانوالہ آ رہا تھا چناب پل پر پھنس گیا ہے۔ میڈیا سے بات کرتے ہوئے دولہا نے کہا صبح  سے پھنسے ہوئے ہیں۔ کوئی راستہ نہیں مل رہا۔ دریں اثناء فیروز والہ کے علاقے کالاشاہ کاکو  بھی نالہ ڈیک کے پل پر کنٹینر رکھ کر ٹریفک بلاک کیا گیا جس کے باعث گاڑیوں کی قطاریں لگ گئیں۔ موٹروے پر ٹریفک کی بندش کے باعث ایمبولنس میں میت لے جانے والوں کو مشکلات کا سامنا کرنا پڑا جس کے باعث وہ ٹریفک میں پھنس گئے۔ انتظامیہ نے راستہ دیا ایمولینس میت کو لے کر  سیالکوٹ کی طرف روانہ ہو گئی۔ اسی طرح شاہدرہ موڑ پر ٹریفک کی بندش کے باعث  باراتیوں کی  بارات پھنس گئی جس سے باراتیوں کو مشکلات کا سامنا کرنا پڑا، کئی گھنٹے تک انہیں خوار ہونا پڑا، بعد میں پولیس نے رکاوٹ ہٹا دی۔