راولپنڈی (اپنے سٹاف رپورٹر سے) سی ٹی ڈی نے پنجاب کے مختلف شہروں میں انٹیلی جنس بیسڈ آپریشن کیا۔ دوران آپریشن 18 دہشتگرد گرفتارکر  لئے۔ ترجمان سی ٹی ڈی نے کہا کہ آپریشن لاہور، خوشاب، گوجرانوالہ، پاکپتن، بہاولنگر، راولپنڈی، فیصل آباد، شیخوپورہ، منڈی بہاؤالدین اور میانوالی میں کئے گئے۔ ترجمان سی ٹی ڈی کے مطابق لاہور، فیصل آباد اور راولپنڈی سے فتنہ الخوارج کے 3 انتہائی خطرناک دہشتگردوں کو اسلحہ اور باروی مواد سمیت گرفتار کر لیا گیا۔ ترجمان سی ٹی ڈی نے کہا کہ دہشتگردوں کی شناخت فیض، عظیم، طارق، آصف، عرفان، حسان، فتح، ولید احمد، اسد الرحمن، ضیاء الحق کے نام سے ہوئی۔ ترجمان سی ٹی ڈی نے کہا کہ گرفتار دہشتگرد مختلف مقامات پر کارروائی کر کے عوام میں خوف و ہراس پھیلانا چاہتے تھے۔