چکوال(نامہ نگار)  دن کا آغاز چمکیلی دھوپ سے ہوا اور پھر درمیان میں کبھی دھوپ اور کبھی چھائوں والا موسم رہا البتہ بعد دوپہر کو موسم کی حدت میں اضافہ تھا تو پھر مغرب کے وقت اچانک گہرے بادل آگئے اور بادلوں کی گھن گرج کیساتھ ہلکی بارش نے موسم انتہائی خوشگوار کردیا۔ محکمہ موسمیات اور ابو سقراط کے مطابق چھ اور سات اکتوبر کو بھی بارش کا امکان ظاہر کیاگیا ہے اور موجودہ بارش سے عملی طورپر گرمی کی رخصتی ہوگئی ہے اور آنے والے عرصے میں موسم خوشگوار رہے گا۔