گوجر خان (نامہ نگار)جی  ٹی روڈ پر  بیرون مما لک سے  وطن واپس آنے والے پھر جعلی کسٹم اہلکار و ں کے  ہاتھوں  لٹنے لگے گزشتہ روز  دبئی سے  آنے والے شہری سے   13 لاکھ سے  زائد کے  مالیتی  درہم  چھین لئے گئے  ایاز  قدیر  سکنہ منگلا  کالونی  نے  تھانہ روات میں  رپورٹ درج  کراتے ہوئے کہا کہ وہ گزشتہ روز  دبئی سے  اسلام آباد  پہنچا  ائرپورٹ سے اپنے  بھائی اور والد کے ہمراہ کیری  ڈبہ میں  گھر کے لئے  روانہ  ہوئے  تو  چھنی پل  سترہ میل  سٹاپ  جی ٹی روڈ پر عقب سے  ہوٹر بجاتی سلور رنگ کی  ہونڈا  گاڑی نے  ہماری  گاڑی  روک لی  ہماری  گاڑی  کا  دروازہ  کھول کرکہا  جو  بندہ  باہر سے آیا ہے اس کی تلاشی لینی ہے  پاسپورٹ وغیرہ  دیکھ کر   پرس  چیک  کرانے  کا  کہا  اسی  دوران  پرس  چھین کر  فرار ہوگئے  پرس 18 ہزار سے زائد  درہم  اور  دیگر  رقم  تھی جس کی مالیت  تیرہ  لاکھ سے زائد بنتی ہے  پولیس تھانہ  روات نے  مقدمہ درج کر لیا۔