مزار قائد پر گارڈز کی تبدیلی کی تقریب میں پاکستان ایئرفورس اکیڈمی رسالپور کے چاق وچوبند دستے نے گارڈز کے فرائض سنبھالے اوربابائے قوم کو خراج عقیدت پیش کیا۔ اس موقع پر ایئروائس مارشل حسن رضا اورایئرآفیسر کمانڈنگ پاکستان ایئرفورس اکیڈمی رسالپور نے گارڈز کا معائنہ کیا اور گارڈز کے ہمراہ مزار قائد پر سلامی دی اور مزار قائد پرپھول چڑھائی۔ یوم دفاع کے دن کا آغاز خصوصی دعاؤں اور قرآن خوانی سے ہوا اور پاکستان کے تمام ایئربیسز پر قرآن خوانی کی تقریبات اور شہداء کے لئے خصوصی دعائیں کی گئیں۔ یہ دن پاک فضائیہ کو مزید مضبوط اور باصلاحیت بنانے کے عزم کا جذبہ دیتاہے۔ واضح رہے کہ اس موقع پر اکانوے کیڈٹس نے پریڈ میں حصہ لیا جن میں سات لیڈی کیڈٹ بھی شامل تھیں۔