شارجہ میں کھیلے گئے پہلے ٹی ٹونٹی میچ میں گرین شرٹس نے ایک طرف تومیچ میں سات وکٹوں سے کامیابی حاصل کی تودوسری جانب آئی سی سی رینکنگ میں بھی قومی ٹیم نے چوتھی پوزیشن حاصل کرلی ہے۔ آئی سی سی رینکنگ کے مطابق قومی ٹیم نے انتیس میچ کھیل کر تین ہزار ایک سو اڑتالیس پوائنٹس حاصل کیے جبکہ بھارتی ٹیم بتیس میچ کھیل کرتین ہزارتین سوچورانوے پوائنٹس کے ساتھ پانچ ویں پوزیشن پرچلی گئی ہے۔ آئی سی سی ٹی ٹونٹی رینکنگ میں جنوبی افریقہ کی ٹیم سرفہرست ہے اورانگلینڈ دوسرے جبکہ آسٹریلیا تیسرے نمبر پرموجود ہے۔