لاہور (کلچرل رپورٹر) نامور اداکار‘ پروڈیوسر و ہدایتکار ہمایوں سعید نے کہا ہے کہ فلم ’’میں ہوں شاہد آفریدی‘‘ سے جو توقعات تھیں اس سے زیادہ پذیرائی ملی ہے‘ آئندہ بھی منفرد سکرپٹس کی حامل فلمیں بنانے کا منصوبہ بنا یا ہے جس پر انشااللہ جلد کام شروع کروں گا۔ پاکستان کی فلم انڈسٹری میں بڑا ٹیلنٹ موجود ہے اسے صرف مواقع فراہم کرنے کی ضرورت ہے۔ میرا دعویٰ ہے کہ منفرد کہانی تحریر کرکے اس پر کام کیا جائے تو ہماری انڈسٹری دوبارہ پائوں پر کھڑی ہو سکتی ہے۔ انہوں نے کہا کہ میں ایک کامیڈی فلم بنانے کا بھی ارادہ رکھتا ہوں۔