اسلام آباد میں یوم دفاع کی مناسبت سے پاک فضائیہ کے ہیڈ کوارٹر میں تقریب کا انعقاد کیا گیا۔تقریب سے خطاب میں صدر ممنون حسین کا کہنا تھا کہ انیس سو پینسٹھ کی جنگ میں پاک فوج نے اپنے سے تین گنا بڑے دشمن کو شکست فاش دی۔ قوم کے ان مایہ ناز سپوتوں کا مقام بہت بلند ہے،انہوں نے کہا کہ پاکستان پر امن ملک اور تمام ہمسایہ ممالک سے بہتر تعلقات کا خواہاں ہے۔تاریخ گواہ ہے کہ ہم نے ہرجارحیت کامنہ توڑجواب دیا ہے،اگر آزادی کو پامال کرنے کی کوشش کی گئی تو منہ توڑ جواب دینگے-
صدر مملکت کا کہنا تھا کہ پاک افواج آپریشن ضرب عضب میں پیشہ وارانہ صلاحیتوں کا مظاہرہ کررہی ہے ۔ ملک کو دہشتگردی سے پاک کرکے ہی دم لیں گے
