آخری میچ جیتنے سے ثابت ہوا ٹیم کامیابی کی صلاحیت رکھتی ہے : سلیم الطاف، محمد الیاس

لاہور(سپورٹس رپورٹر) ایک روزہ سیریز میں شکست کی بڑی وجہ ٹیم کا غیر مستحکم کمبی نیشن، کھلاڑیوں کا آؤٹ آف فارم ہو ناتھی۔ ٹیم میں ایک اضافی بیٹسمین کھلانے سے آ خری میچ میں کامیابی ملی جس کا مطلب ہے کہ قومی ٹیم جیت کی صلاحیت رکھتی ہے۔ ان خیالات کا اظہار سابق چیف سلیکٹر سلیم الطاف اور محمد الیاس نے کیا۔ انہوں نے کہا کہ ٹیسٹ ٹیم کی کامیابیاں کھلاڑیوں کا ٹیم میں تسلسل سے کھیلنے کے باعث تھیں جو اپنا اپنا رول ادا کرتے آ رہے ہیں ایک روزہ کرکٹ اب کافی تیز ہو گئی ہے جس کیلئے ٹیم کو تیز سٹارٹ دینے والے اور مڈل آ رڈر میں اسے برقرار رکھنے والے کھلاڑیوں کی ضرورت ہے۔