یوم دفاع : پاکستان میری ٹائم سکیورٹی ایجنسی میں نیا جہاز شامل کیا جائیگا فضائیہ نے نیا گیت نشر کر دیا

کراچی (نوائے وقت رپورٹ+آئی این پی ) یوم دفاع پر پاکستان میری ٹائم سکیورٹی ایجنسی میں نیا جہاز شامل کیا جائے گا۔ ترجمان میری ٹائم سکیورٹی ایجنسی نے کہا ہے کہ نئے جہاز کی شمولیتی تقریب میں صدر آزاد کشمیر سردار اور مسعود خان مہمان خصوصی ہوں گے۔یوم دفاع پاکستان کے مو قع پر پاکستان فضائیہ نے ایک نیا گیت (وردی) جاری کیا ہے۔ اس گیت کو پاکستان کے مایہ ناز گلوکار شفقت امانت علی خان نے گایا ہے۔ گیت کے ذریعے پاک فضائیہ کے تمام افرادکو خراج تحسین پیش کیا گیا ہے اور قوم میںپاکستانی دفاعی افواج کی وردی کے احترام کو اجاگر کیا گیا ہے۔