کراچی(اسٹاف رپورٹر)جشن آزادی کے سلسلے میں اردو لغت بورڈکراچی میں ملی نغمات پر سیمیناراور مشاعرہ منعقد کیا گیا، "قومی نغمات عہد بہ عہد "کے موضوع پر ہونے والے سیمینار میں محقق ابصار احمدنے خصوصی مقالہ پیش کیا،سیمینار کی صدارت ڈائریکٹر قائد اعظم اکیڈمی خواجہ رضی حیدر نے فرمائی،جبکہ نظامت کے فرائض محمد طارق بن آزاد نے انجام دئیے۔تقریب کی دوسری نشست میں جشن آزادی مشاعرہ کی صدارت پروفیسر سحر انصاری نے کی اور شعراء میں سلمان صدیقی(ناظم مشاعرہ) ، عقیل عباس جعفری،شبیر نازش،سحر تاب رومانی،فہیم شناس کاظمی،پروین حیدر خواجہ رضی حیدر،پروفیسر سحر انصاری اور دیگر نے کلام پیش کیا۔