لاہور(سپورٹس رپورٹر+ نمائندہ سپورٹس) پری سیزن کیمپ میں شریک قومی کرکٹرزمظفرآباد پہنچ گئے۔پی سی بی چیئرمین الیون اورآزاد جموں کشمیرپرائم منسٹر الیون کے مابین نمائشی ٹی ٹوئنٹی میچ کھیلا جائے گا۔ یوم دفاع کے روزشیڈول اس میچ کا مقصد علاقے میں کرکٹ کو فروغ دینا ہے۔ پروگرام کے مطابق میچ کا آغاز صبح دس بجے ہوگا، جس میں قومی کرکٹرز، سیاست دان، اورمقامی کھلاڑی اپنی صلاحیتوں کا مظاہرہ کریں گے۔