لاہور (خصوصی نامہ نگار) دارالعلوم جامعہ نعیمیہ کے ناظم اعلیٰ علامہ ڈاکٹرراغب حسین نعیمی نے کہا کہ سید علی گیلانی کشمیر کاز پر غیرمتزلزل عزم سے ڈٹے رہے۔ بھارتی ظلم و ستم اور پابند سلاسل کے باوجود انہوں نے کشمیری عوام کیلئے جدوجہد جاری رکھی۔ سید علی گیلانی جیسی ہستیاں صدیوں میں پیدا ہوتی ہیں۔ سید علی گیلانی کی پاکستان کے ساتھ والہانہ محبت اہل کشمیرکیلئے مینارہ نور کی حیثیت رکھتی ہے۔پاکستانی قوم مرحوم کے لواحقین اور کشمیریوں کے دکھ کی اس گھڑی میں برابر کی شریک ہے ، پاکستانی قوم سید علی گیلانی کی جرات اور بہادر ی کو سلام پیش کرتی ہے۔ان خیالات کااظہار انہوں نے کشمیری علماء کرام کے وفدسے گفتگو کرتے ہوئے کیا۔انہوں نے مزید کہا کہ سید علی گیلانی نے ساری زندگی مقبوضہ وادی پر بھارتی فوج کے قبضے کے خلاف آواز بلندکی ، ان کی زندگی ہم سب کے لئے مشعل راہ ہے ۔