راولپنڈی (جنرل رپورٹر) انجمن فیض الاسلام کے صدر پروفیسر ڈاکٹر ریاض احمد نے کہا ہے کہ دکھی انسانیت کی خدمت کا وصف رکھنے والے لوگ بعد از مرگ بھی ہماری دعائوں اور یادوں میں زندہ رہتے ہیں ۔ ایسے لوگ ہمارے معاشرے کا حسن اور قابل تقلید ہیں ۔زوجہ کرنل (ر) نصیر عابد ایسی ہی نیک دل خاتون تھیں ۔ ان خیالات کا اظہار انہوں نے انجمن فیض الاسلام کی جامع مسجد فیض آباد مرکز میںتحصیل کہوٹہ سے تعلق رکھنے والے معروف سماجی راہنماء کرنل (ر) نصیر عابد کی مرحومہ زوجہ کے چہلم کی دعا کے موقع پر گفتگو کرتے ہوئے کہی۔